… hindi mein hollywood
videshi darshkon aur indian diaspora ko rijhane ki fikr aur jyada kamai ke pher mein export quality ki hindi film bana rahe directors aur producers abhi pareshan nahi hain.unhe lagta hai ki woh bilkul sahi dhang ki films bana rahe hain.globalisation ke is daur mein local subjects aur characters lekar film banana bewkoofi hai.jise dekho woh videsh mein shooting kar raha hai.films ke location hi nahi,ab to characters bhi NRI aur videshi ho gaye hain.yashraj films aur dharma production ki naqal mein doosre producers bhi wohi rasta pakad rahe hai.natija yeh ho raha hai ki hindi ke traditional audience ki taraf kisi ka dhyan nahi hai.maine pahle bhi likha hai ki choonki hindi belt ke audience jyada paise vapas nahi karte isliye producers-directors unki pasand aur ruchi ko nazarandaz kar rahe hain.natija kya hua?
*pichle 5 salon mein bhojpuri cinema teji se badha hai.iski wajah kya hai?metros se lekar chote shahron tak mein audience ka bade tabke ke liye hindi films nahi ban rahi hain.woh aisi films se identify nahi karta,isliye dekhta bhi nahi hai.lekin use apna cinema chahiye,jismein uske parichit ethos aur emotions hon.use bhojpuri mein yeh mila.
*percept aur sony picture ne bhojpuri audience ko dimag mein rakh kar ise hindi ke saath hi bhojpuri mein dub kiya.reports aa rahi hai spiderman-3 ne MAKDA MANAV ke roop mein achchhi kamai ki.suna hai ki aur bhi hollywood ki filmen bhojpuri mein dub ho rahi hain.MAKDA MANAV ko bhojpuri ke suer star RAVI KISSEN ne dub kiya aur bhojpuri audience se jod diya.
*yeh KHATRE KI GHANTI hai,lekin hindi producers-directors nahi sun rahe hain.yakeen karen,agar jaldi hi hinterland ke audience ki taraf dhyan nahi diya gaya to baad mein unhe hindi filmon ki taraf lana mushkil hoga.
*bhojpuri aur ab bhojpri mein hollywood ki filmen hindi ki hi kamai se apna hissa jhapat rahi hain.trade ke jankar bata sakte hain ki hindi belt se hindi filmon ki kamai kaise ghat rahi hai.
*idhar koi bhi hindi film(vivah apwad hai) aisi nahi aayi hai,jisne hindi belt mein business kiya ho.
*in dino hindi filmon ke poster par bhi hindi mein films ke naam nahi likhe jaate.audience kaise jaane ki kaun si film hai.woh star dekh kar anumaan lagata hai.KRISH ki release ke samay chhattisgadh ke distributor ne rakesh roshan ko bataya tha ki hindi mein poster nahi denge to aap ka hi nuksaan hoga.woh samjh gaye the.jyadatar producers ko hindi mein titles dena faltu kharch lagta hai.
*Bharat ke audience abhi tak hindi ya kisi aur national language mein hi films dekhna pasand karte hain.aisa isliye hai ki woh apni bhasha mein hi manoranjan chahte hain.
*agar indian audience angrezi samajh rahi hoti to saare munafakhor producers angrezi meinhi films bana rahe hote.
MAIN CHAHOONGA KI PASSION FOR CINEMA KE MEMBERS AUR VISITORS IS BAARE MEIN KUCH LIKHEN AUR SHARE KAREN.
Anurag Kashyap
Abhay Deol
Dibakar Banerjee
Hansal Mehta
Khalid Mohamed
Kundan Shah
Anish Kuruvilla
Jaideep Verma
Manish Gupta
Navdeep Singh
Bhavani Iyer
D. Santosh
Onir
Ashvin Kumar
Ramu Ramanathan
Sudhir Mishra
Pankaj Advani
Revathy
Saurabh Shukla
Shilpa Shukla
Sujoy Ghosh
Suparn Verma
Santosh Sivan
Shashank Ghosh
Shivajee
Pavan Kaul
Partho Sen-Gupta
Prroshant Naryannan
Sam Langoria
Satish Kasetty
ye sahi baat hai Ajay.
Cinema badal raha hai.
Hindi Film banane wale khud to Hindi bolate nahi.
unka bhasha se koi sarokar nahi hai.
kal ko Bhojpuri film ka market badhega to ye hi yashraj Bhojpuri main film banane lagenge.
rehe darshak- unke liye film banata kaun hai?
sab munafe ke liye film banate hain…
ab agar Hollywood ko bhojpuri darshak chahiye to theek hai na-
bhojpuri darshako ko bhi technically brilent film dekhane ko milegi- aur jaydatar bhojpuri amature si filme banane walon ko bhi jhataka lagega- Enjoy
ajay ji ….aapki nazar ko dad deni padegi…do mukhya ghatnaayen hai jo haal me ghati hai shayad aapko bhi maloom hoga…
1… haal me bani ek bhokpuri film ko jab bihar me release kiya gaya to logo ne tehalka macha diya….log marne maarne par utaroo ho gaye….kyon? sirf isliye ki film ke ant me hero yaani ravikishan mar jaata hai….logo ke jabaan pe ek hi sawaal tha ki ravikisaan mara kyun…..abhi sunne me aayaa hai ki film ki kahaani ko modkar ravikissan ko jinda kiya jata hai aur wo phir waapus aata hai badla lene ke liye…..film phir se shoot ho rahi hai……
2.”gabbar singh” me pehle nirhua the film bhi aadhi shoot ho gayi…lekin beech me shayad balaji arthaat shrii shrri mahesh pandey ji ko laga ki nuksaan ho sakta hai….nateeza..fil phir se shoot ho rahi hai aur is baar hero hai …bhojpuri belt ki dhakan manoj tiwari….
aap kehte hai ki hindi cinema ne aise darshako se moonh fer liya hai….bilkul sahi… humaare hindi filmo me hindi bhashi kalaakaron ko ek chote se role ke liye edi choti ka jor lagaana pad raha hai..khatra sirf cinema ko hi nahi hai..jab itne pratibhashali kalaakaaron ko kaam nahi milega to nischit hai gaon jaaker woh aata chakki nahi chalaayenge..woh bhojpuri cinema me kaam karenge….aapka kalaakaar bik raha hai..kabhi jamindar ka lathait ban jaata hai kabhi heroine ka driver…ye wo kalaakaar hai jo NSD or Sri ram centre se theatre ki degree lekar aaye hain….paise to kama rahe ho guru lekin aapka talent resource bhi khatma hota ja raha hai..isse ghatiya baat kya ho sakti hai ki vijay shukla aur gajraj rao is industry se door hai…
doosri baat hai ki mere pitaji ko mobile ki ahmiyat ka pata tab tak nahi chala jab tak ki unhone mobile use nahi kiya..to sawaal ye hai ki hum itne bade darshak warg ko paroos kya rahe hain….mujhe pakka yakin hai ki jo darshak manohar shyaam joshi (humlog buniyaad) kamleshwar ko padh sakta hai dekh sakta hai wo “metro” bhi dekha sakta hai basharte ki use uski aankho se dikhayaa jaaye..iska seedha sa example “page 3″ ka hai…jise hajaribagh bokaro jaise chote shahron me bhi pasand kiya gaya aur thik uske ulte na “shool” bihar me hit hui..na “haasil” or “saher” up me…..humaari filmo ki aatma kya hai…humaara darshak ray ko dekh sakta hai to martin scorsece aur hitccok ko bhi dekh sakta hai…ritwik ghatak ki baat nahi karunga kyunki use to log mumbai me nahi samjh paate….maine jharkhand jaise rajya me nirmal verma ke die hard reader dekhe hai….mere hisaab se jaisa ki …ramvilaas sharma ne kaha tha ” hindi pradesh hamesha “national” kabhi “rational” nahi ho paaya …hindi pradesh vibhajit bhi ho gaya…agar nahi to bhojpuri ara aur jaunpur do alag rajyon me kyun boli jaati hai….is darshak ko uski taqat ka ehsaas aur uski senstivity ko samjhne ki jaroorat hai ….main cinema ko badalne ke paksh me nahi hoon … parosne ka jo tareeka hai hume usse shikayat hai…
projectiview me mera article “ek sham travis ke naam” aapke comments chahunga..
Agar yeh sab change karna hai toh people have to change. Yahan ke log agar english mein baat karte hai toh foreign accent ke saat kare tab hi usme class aata hai. Agar koi Indian accent ke saat koi baat kare toh yeh pandu log uska masaak udatta hai. For marriages NRI ladkes are given more preference than local Indian ladkes. Even girls fall for NRI boys faster. People consider foreign items to have more quality than Indian items. Even people would prefer working abroad than in India.
So it is not only Indian films that are having this problem, it is the Indian people’s mentality.
agar isse bhojpuri filmoon ko fayda hua hai to isme bura kya hai ? aur jahir si baat hai ki log paias kamana chahte hai. so aise hi filmein banayenge jisse paisa kama sake. aur aise me ekka duka munnabhai aur rang de basanti jaisi filmein banti hi rahengi jo har jagah kaam kare. filmkaar bhi is baat ko acchi tarah samjhte hain. par paisa bolta hai!!
well, i think Ajay is rite… aap sahi kehte hai k producers and directors ek tarah ki sheeprun me shaamil hai.. ek ne US me shootin ki to dusra bhi wahi bhagega.. lekin abhi tak koi bhartiy darshako ki nabz nahi pakad paaya.. recently released filmo par nazar daale to unko ek category me rakh sakte hai, — multiplex cinema , jahan k audience popcorn khaate huey Hinglish bolte hai.. lekin hamare aap tabke ki tarah multiplex audience bhi samajhdar hai aap use dhokha nahi de sakte.. film waalo ne ek chuuk ki jhat se anjam haath me dete hai,…wht they want is vishuddh masala, pure entertainment , phir chahe usme koi social message hi kyun na ho.. RDB iska proof hai,
indian mentality ko dosh nahi de sakte , ofcrse hame hollywood level tak pahonchme me time lagega..jan jo acha aaya hai indian audiences ne khul k saraha hai
social awareness yahan hai kahan, AB jaise abhineta ek missal kayam kar sakte hai , hindi me bol kar , par hamare yahan to kitne aise log hai jo hindi filmo me ache chal rahe hai, lekin hindi bolne me cmfrtble nahi!!!!patrkaar hindi me sawaal puche to english me jawab dena apni shaan samajhte hai…
agar baat hindi filmo ki ho rahi hai, to mai bhee hindi and bhojpuri me geet our kavitaye likhata hoo,agar aap hame mauka de to mai geet/hindi/bhojpuri me likh sakta hoo, our story bhee, pls reply
Hindustani ho kar ke sarmaate hai hindi se
Neta dete English bhasan madam sarmati bindi se
Madam sharmati bindi se bachcho ko amrica padhwati
Hindi ka to shavd bhool gayee chitthee naukar se bachwati
Jitane neta afsar hai angreji me batiyaate hai
Koi ghabraate hindi se koi ghabraate shindhi se
Hindustani ho kar ke sarmaate hai hindi se
Neta dete English bhasan madam sarmati bindi se
Mantri ji bhasan jab dete angreji ke hawale
Angreji ko tauheen samajahte upaji bare gharane
Har daftar me angreji ki chalti dhar-dhar bhasha
Jo angreji bole na jaane chaprashi ki nahi hai aashaa
Inko to ab dolar chaahiye ghabraate hai khinni se
Hindustani ho kar ke sarmaate hai hindi se
Neta dete English bhasan madam sarmati bindi se
Hindi diwas pe neta kahate hindi ka utthan karo
Ham bharat ke rahane wale sari janata saath chalo
Bharat ki yahi bidambana dhoop chaaw jo sahati hai
Ham us desh ke washi hai jis desh ke ganga bahati hai
Jahar samajh parsaad na lete ghabraate hai sinnee se
Hindustani ho kar ke sarmaate hai hindi se
Neta dete English bhasan madam sarmati bindi se