maane tu ya maane na
The language of the post is Non-English.. only the script is in english.
suna aur padha ki kuchh logon ko ye film bahut buri lagi.kisi bhi film ko aap uske samay se kaat kar dekhenge aur kuchh khojte rahenge to amooman nirasha hogi.films bhi doston ki tarah hoti hain,unhen unki khoobiyon aur kamiyon ke saath samjhiye to jyada anand aayega.haan,agar koi hisab theek karna ho to chashma laga lena galat nahin hai.
is review ko hindi mein padhna chahte hain to login karen:http://chavannichap.blogspot.com/
kuchh naya nahin, fir bhi novelty hai
realistic andaj men bani entertaining film hai jane tu ya jane na. ek aisi prem kahani jo hamare gali-mohallon aur builings mein aaye din sunaee padati hai.
jane too… ki sanrachana dekhen. is film se ek bhi kiradar ko aap khisaka nahin sakate. kahani ka aisa pusht tana-bana hai ki ek soot bhi idhar se udhar nahin kiya ja sakata.aapne ek kirdar idhar khiskaya aur udhar scene gira. sabase pahale abbas tayervala lekhak ke taur par badhaee ke paatr hain. airport par group ke sabase priy doston ki agavani ke liye aaye chand dost ek dost ki naee girlfriend ko prabhavit karane ke liye unki (jay aur aditi) kahani sunana aarambh karate hain. shuru men prem kahani ke nam par munh bichaka rahi mala film ke ant men jay aur aditi se yon milati hai, jaise vah unhen salon se janati hai. darshakon ki sthiti mala jaisi hi hai. shuru men aashanka hoti hai ki pata nahin kya film hogi aur ant men ham sabhi film ke kiradaron ke dost ban jate hain.
mana jata hai ki hindi filmen larger than life hoti hain, lekin jane too.. dekh kar kaha ja sakata hai ki nirdeshak samajhadar aur samvedanashil ho to film similar to life ho sakati hai. jane too… men vishesh nayapan nahin hai, hindi filmon ki prachalit dharanaon, drishyon, prasangon aur samvadon ka upayog kiya gaya hai. avyakt prem ko darshati charitron ki vyakul manodasha mein koee navinata nahin hai. yah abbas tayervala ke kushal lekhan aur nirdeshan ki safalata hai ki ghise-pite formula ki film men unhonne novelty paida kar di hai. kiradar purane hain, chehare naye hain. bhav purane hain, abhivyakti aur pratikriyayen naee hain. dvandv aur sangharsh ghisa-pita hai, lekin unaka sankalan aur nishpadan navin hai. giton ka marm prachin hai, shabd naye hain. yahan tak ki a r rahaman ke sangit ki madhurata purani hai, lekin dhvaniyan naee hain. jane too… ki yahi tajagi usaki khoobi ban gayi hai.
yek navinata gauratalab hai. film men tin ma-pita hain aur tinon vibhinn prshthabhoomi aur paristhiti ke danpaty ka chitran karate hain. film ke hiro aur usaki man ke antarsabandh ka aisa chitran hindi filmon men nahin milata. 21vin sadi ki aadhunik ma ki bhoomika men ratna pathak shah ka vyaktitv aakarshit karata hai. shayad yah hindi filmon ki pahali ma hai, jinhonne sari nahin pahani hai. nayika ka sanvedanashil chitrakar bhaee… aise kiradar farmoola filmon men gairajaroori mane jate hain.
imaran khan abhi kaimare ke aage sadhe nahin hain. kuchh drshyon men unaka prayas dikh jata hai. fir bhi unaki nechural ekting achchhi lagati hai. jiniliya ka sahaj aur svabhavik abhinay aditi ke charitr ko achchhi tarah parde par jivant karata hai. pratik babbar prabhavit karate hain. chhote-mote kiradaron men aaye kalakar khatakate nahin hain. sabhi ka sarahaniy yogadan hai.
Movies, Review , ajay brahmatmaj, hindi film, Jaane Tu Ya Jaane Na
Loading ...
8 Responses to “maane tu ya maane na”
Leave a Reply
(Ref smilies)
Our Comments Policy : The following kinds of comments are troll capped, blocked and/or commenter's identity reported publicly: Verbal abuse, personal attacks, hate statements, spam, trolls, advertising. Please assist us in keeping the comments clean. Use the contact form to let us know if you find unwarranted comments on PFC. Thank you.
-
Advertisement
-
- Sorry Bhai R
- Irresponsible medium:Shame on me to be an aud
- Oye Dibakar, Dibakar
- I’m mad as hell and I won’t take it any
- Oye Lucky! Lucky Oye! Reviews from re
- The assault on our intelligence, no pun intended
- Catherine Deneuve in India - Win World Cinema DVDs
- OLLO is an incredible study of human character
- Who Is This Terrorist?? An answer
- Oye Lucky! Lucky Oye! Reviews from readers
-
Advertisement
Hottest Today:
Recent Posts:
“filme bhi doston ki tarah hoti hain kuch kamiyan kuch khoobiyan”
“nirdeshak agar samajhdaar aur samvedansheel ho to films similar to life bhi ho sakti hain”
“hindi filmon ki pehli maa hai jisne saari nahi pehni”
these are very important lines in the context of the film….gr8 review Ajay ji…
Ajayji, aapke site chavanni chhaap mein yahi review devnagri mein maine padha. Accha lagga.
Shukriya.
kya shabdon ka upyog kiya hai waah………maan gaye…..devnagri mein padhne ko milti to zyada prabhavit karti…..
Bahot achcha prayaas hai Abbas aur Aamir Khan ka. Mujhe film bahot achchi lagi. ek saral film jo sampoorna tarah se entertaining ho. Bas ek hi cheez ki aasha karta tha ki rehman ka sangeet shaayad film dekhte samay “hi” achcha lage. Lekin rehman sahab ke sangeet ne mujhe theatre mein “bhi” bilkul niraash kiya.
khair film paisa vasool thi. Dimaag to thoda side mein rakh kar enjoy karne waali film hai ye. Chhote chhote kirdaron ko bakhoobi se parde par vyakt kiya hai director ne. Uski ek man mein chhaap pad jaati hai hamesha ke liye. Prekshak khud ko kisi na kisi kirdaar mein paate hain ya koshish karte hain aur man ulhasit hota hai.
“kiradar purane hain, chehare naye hain. bhav purane hain, abhivyakti aur pratikriyayen naee hain. dvandv aur sangharsh ghisa-pita hai, lekin unaka sankalan aur nishpadan navin hai. giton ka marm prachin hai, shabd naye hain. yahan tak ki a r rahaman ke sangit ki madhurata purani hai, lekin dhvaniyan naee hain. jane too… ki yahi tajagi usaki khoobi ban gayi hai.”
wah! shabdon ko bahut sahaj tareke se piroya hai!!
dipankar,
thanks.aur bhi kai nayi baaten hain,jo bina dave ke aayi hain.
kcp,
Prekshak khud ko kisi na kisi kirdaar mein paate hain ya koshish karte hain aur man ulhasit hota hai….bahut achchhi baat kahi aapne.
suchita,
ham hindi likhna bhoolte ja rahe hain.koshish rahti hai ki kareeb ki bhasha ho aur usmein rawangi bhi ho.shukriya…aapko shabdon ka sanyojan achchha laga.
vineet,
yahan devnagri mein padhen…
http://www.chavannichap.blogspot.com/
kash main aapki baat se sehmat ho paata, parantu yeh ghisi-piti film ke ghise pite sub-plots, yahan-vahaan se copied hain; jinki vajah se i x-perienced dej`a vu in the theater.
4 instance,
<the party scene is taken 4rm a telugu movie”gudumba shankar”>
imran khan was good; dont u think he smiles too much.rajat kapoor’s cameo was a diappointment,loved genelia though.
recommended for people who love old gifts in new packets,and also for those who can carry a saridon tablet wid ‘em.
Achhi samiksha ki hai is film ki aachpne……..film aisi honi chahiye ki hall se nikle to chehre pe ek muskurahat ho……ye nahi ki sochte sochte sir mein dard ho jaye ya phir seat pe baithe baithe so jayen……jaisa ki mujhe haal hi mein “via darjeeling” dekh ke ehsaas hua……