mandi ka mara nirdeshak
The language of the post is Non-English.. only the script is in english. sorry for them,who cant read and understand it.
for reading in hindi log on to…http://chavannichap.blogspot.com
is post mein mandi ka matlab recession hai.waise ise market bhi samjh sakte hain.
yah ek nirdeshak ki sachchi kahani hai. sachchi kahaniyon men naam nahin dene ka rivaj hai. naam aa jaye, to kalayi khul jati hai. ek lihaj se aisa hona hi chahiye. kayi baar naam dene se kahani ke nayak ka nukasan ho jata hai. usake banate kaam bigadane lagate hain. ham bhi yahan nirdeshaka, star aur production house ke naam nahin denge.agar aapko lage ki aap is nirdeshak ko janate hain to uska naam bata den.mujhe koi pareshani nahin hogi.
rashtriya puraskar se sammanit ek yuva nirdeshak ko ek dhansu script mili. usne lekhak ke sath baith kar use antim roop diya. film bap-bete ki kahani thi. lihaja bap ke role ke liye aajakal character role kar rahe purane jamane ke ek romantic aur dancing hero se baatchit hui. ve raji ho gaye. unke saath pichhali kuchh filmon mein second-third lead se khud ko sabit kar chuke hero ko liya gaya. ek nayi production company aa gayi. tay huaa ki simit budget yani char crore mein film poori kar li jayegi. film ki ghoshana ho gayi. ek party rakhi gayi.akhabar aur tv channeles par khabaren aa gayin. nirdeshak khush ki uski film ban rahi hai. baap ka role nibha rahe purane romantic hero ne nirdeshak ko ghar par bulaya. khan-paan(murga aur whiskey) ke shaukin hero ne nirdeshak ko salah di ki kyon na vah yah story unke bete ko sunata hai! unake bete ne halanki jyada films nahin ki hain, lekin mana ja raha hai ki vah bhavishya ka super star hai. nirdeshak ne gurej nahin kiya. is baar usne bap-bete ko ek sath kahani sunayi. story sitting tin ghante chali. beta to uchhal pada. usne kaha, sar ji, yah film to karni hai. usne apane bap ko kaha, dad, please inse kaho na ki hum donon ke saath hi yah film banayen. bap ne dabav dala aur ek filmi chara phenka. dekho, hum bap-bete ek sath parde par bap-bete ke roles mein aayenge, to film ko lekar logon men bahut jyada curosity hogi. nirdeshak ka man dol gaya. uski pichhali do filmen flop rahi thin. usne socha, agar bap-bete ko lekar yah film ban jati hai, to vah bade director mein shumar ho jayega.
usne pahale hero se baat ki. use kisi tarah film chhod dene ke liye raji kiya. usne vada kiya ki is film ki kamayabi ke baad vah use lekar solo hero film banayega. pahla hero raji ho gaya. vah kar bhi kya sakata tha! bap-bete ki film ki baat aage badhi. bap ne nirdeshak se kaha ki dekho, yah film salon bad hamare production house se aayegi. choonki production ke kaam mein mere bhaiyon ki sahamati zaroori hai, isliye ek baar mere bhaiyon ko kahani suna do. nirdeshak ko koi dikkat nahin hui. usne chatapat haan kar di. din sunishchit huaa. production house ke rutabe ke mutabik svadisht lunch ke saath story session chala. baki bhaiyon ko bhi kahani pasand aayi. unhonne kaha ki hamalog yah film banayenge.
aale din bap ka role nibha rahe purane hero ka phone aaya. unhonne kaha ki mere bhaiyon ko tumhari kahani bahut pasand hai. ve chahate hain ki ham bap-bete ki film ke liye doosara bada director sahi rahega. tumhare naam par film nahin bik payegi. tum aisa karo ki kahani de do. tumhare sath koi aur film kar lenge. nirdeshak ne turant mana kar diya. vah us kahani ke dam par bade nirdeshakon ki jamat men aana chahata tha. uski zid dekhakar purana hero film ke liye to raji rahe, lekin unhonne saaf kah diya ki phir mera beta kam nahin karega. ab nirdeshak phir se pahle hero ke paas lauta. is bar usne mana kar diya aur tana mara ki jao bhavishya ke super star ke saath kam karo. majabooran nirdeshak ko ek naya sanjida hero chunana pada.
sanjida hero ko pichhali film men abhinay ke liye tarif mili thi, lekin abhi usaka market nahin bana tha. purane hero ne uska naam suna, to saaf mana kar diya. shayad ve film se bahar hona chahate the. unhen bahana mil gaya. ab nirdeshak ne baap ke rol ke liye anubhavi aur anek puraskaron se sammanit senior abhineta se baat ki. sanjida abhineta aur senior abhineta ki pahali film khoob sarahi gayi thi. unhen laga ki phir se kuchh kamal ho jayega. nirdeshak bhi santusht tha ki chalo bahut badi commercial nahin, to thik-thak-si achchhi film to ban hi jayegi! nirdeshak nayi team ke saath nirmata ke paas pahuncha. nirmata ne nirdeshak ki mehanat ki tarif ki. kuchh der tak bahalane vali baten karane ke baad usne apani baat rakhi. usne kaha, in donon ke sath achchhi film banegi. puraskar aur samman milenge, jinhen tum apane ghar men achchhe se sajaoge,aur phir doosri jada badi film karoge, lekin mera kya hoga? is film ki koi market value nahin hogi. mere liye in actors ke saath film release karana mushkil ho jayega. ise filahal rahane dete hain. kuchh naya socho. in actors ke saath hi nayi film par kam karo… kissa yahin khatm nahin hota.. aur bhi eqations bane-bigade. nirdeshak aaj bhi apni script liye ghoom rahe hain. aath bar usaki film floor par jate-jate rah gayi hai. tabhi mandi aa gayi aur filmi karobar ki sari gatividhiyan thandi ho gayin. yah ek nirdeshak ki kahani hai. hamane kisi aur nirdeshak ko yah kahani sunayi, to usne kaha ki are, mere sath bhi lagabhag aisa hi huaa tha. baad men pata chala ki yah ek-do nahin, lagabhag sabhi sanbhavit nirdeshakon ki kahani hai..!
Anurag Kashyap
Abhay Deol
Dibakar Banerjee
Hansal Mehta
Khalid Mohamed
Kundan Shah
Anish Kuruvilla
Jaideep Verma
Manish Gupta
Navdeep Singh
Bhavani Iyer
D. Santosh
Onir
Ashvin Kumar
Ramu Ramanathan
Sudhir Mishra
Pankaj Advani
Revathy
Saurabh Shukla
Shilpa Shukla
Sujoy Ghosh
Suparn Verma
Santosh Sivan
Shashank Ghosh
Shivajee
Pavan Kaul
Partho Sen-Gupta
Prroshant Naryannan
Sam Langoria
Satish Kasetty
Good Article, exposes how family equation has been ruining Film Industry.
Was not this film to Star Rishi and Ranbir Kapoor.
Kahani Deol khandan ki lagti hai…..:)
Mujhe bhi bilkul Rishi Kapoor aur Ranbir Kapoor par hi shaque hai.Ab main kahani ki anya paatron ke baare mein sochne laga hoon ( nirdeshak, pehla hero etc ).Haan yeh bilkul sach hai Ajay saab ki is mandi ne bahut logon ka kaam bigad diya hai.
I dont have any doubt that the father and son are Rishi and Ranbir Kapoor and i think the old actor which replaced Rishi Kapoor is Anupam Kher.. pata karo yaaron who is nirdeshak and pehla or naya hero..
Could the director be Onir? Last two movies being flop and one getting a national award…
Sanjeeda kalaakar Sanjay Suri hoo sakte hai agar nirdeshak Onir hain toh…
There is another megastar of yesteryears who does this kind of things to promote his son who has given hundereds of flops but continues getting films.
keep on guessing…this is a true story of any aspirant director.koi bhi naya director ho.industry aur stars ka rawaiya rahta hai.khas kar industry ke bahar se aaye logon ko aisi mushkilon se gujarna hi padta hai.