singh is kinng:comedy ka chaloo formula
The language of the post is Non-English.. only the script is in english.
khoon khaulane ka muhavara aapne jaroor suna hoga, dekha nahin hoga. singh is kinng men aap ise dekh sakate hain.
yek murgi ko pakadane ke pichhe poore ganv ko nasht-dhvast karane ka drishya bhi sinh is king men hai.
australia jane vale yatri galat bordig pas lekar egypt pahunch sakate hain aur vahan ke airport adhikari un yatriyon ko shahar ghoomane ke liye ek din ka visa bhi de dete hain. sinh is king men yah mumakin hai.
helmet ki tarah ghade ko pahanakar pujari bagair doolha-dulhan ko dekhe shadi ke mantrochchar kare aur kisi aur ki shadi kara de….yah sinh is king jaisi film men hi sanbhav hai.
sabhi kah rahe hain ki buddhi ko tak par rakh den aur singh is king ke nonsense drama ka aanand len. logic bhool jayen aur akshay kumar evan kaitarina kaif ke majic par dhyan den. bhootani ke git par jhoomen aur happy singh evam lucky singh ke karanamon par hanse. dadhi badhaye aur pagadi bandhe vibhinn size aur shaklon ke singhon ko panjab ke sahanival se australia tak men dekhen aur gaur karen ki dil ka nek happy singh sabhi ka hriday parivartan karata hai.
sinh is king anees bazmi ki film hai. unaki pichhali kamayab filmon no entry aur welcome ki tarah hi singh is king men bhi koee kahani nahin hai. kah sakate hain ki singh is kinng se aees bazmi ki ‘nonsense trilogy’ poori hoti hai. kuchh to huaa. unaki filmon men kathanak nahin hota. hansi-majak ke lamhe hote hain. bhavya aur aakarshak drishya hote hain. sab kuchh mahanga, bada aur chamakadar hota hai. keval scene hi loud nahin hote. actor bhi loud bolate hain. sanvad adayagi men ek sur ooncha rahata hai aur pichhe se aa rahi parshv dhvani (backgrond score) bhi high pitch par rahata hai. yah sab 21vin sadi ki comedy ka formula hai. agar aap thode purane mijaj ke darshak hain to singh is kinng aapako falatu film lag sakati hai. varna yahi fashion mein hai aur samajha ja raha hai ki yahi darshak chahate hain.
singh ij kinng men akshay kumar aur kaitarina kaif ki hit jodi hai. donon ki chemistry parde par bhati hai. hansi-majak ke drishyon aur giton men donon ke josh ka talamel foohad aur sadharan prasangon men bhi harkat la deta he. ise camera ki khoobi kahen ya baki takanik ka kamal…. ham kalakaron ki adayagi par dhyan hi nahin dete. chhote skirt ke laharane, nayika ke thumake aur hero ke jhatake evam mukkon men hi ham ulajhe rah jate hain. ek ke bad ek aa rahe sharp cut ke scene hamen sochane ki fursat bhi nahin dete ki vastav men parde par kya ho raha hai? film poori ho jati hai aur ham khali dimag multiplex ki sidhiyan utar rahe hote hain. singh ij kinng isi naye trend ki film hai.
is film men om puri, yashpal sharma, kiran kher, ranvir shorey,sonu sood jaise umda kalakar bhi hain, lekin sabhi kisi prahasan men shamil vidooshak ki tarah chand latifon aur jumalon ke liye rakhe gaye hain. umda kalakaron ki adayagi men ek safaee to rahati hi hai. ve aisi filmon men bhi apane kam ke prati siriyas rahate hain.
is film men kuchh aisa bhi hai, jo samajh men nahin aata hai. khas natakiya drshyon mein bole gaye punjabi sanvada, ganon men prayog kiye gaye angrezi shabda, snoop dog ki gayaki aur…. aur…. jane den, buddhi to tak par chhod aaye the
Movies , anees bazmi, hindi film, Review, Singh IS Kinng
Loading ...
14 Responses to “singh is kinng:comedy ka chaloo formula”
Leave a Reply
(Ref smilies)
Our Comments Policy : The following kinds of comments are troll capped, blocked and/or commenter's identity reported publicly: Verbal abuse, personal attacks, hate statements, spam, trolls, advertising. Please assist us in keeping the comments clean. Use the contact form to let us know if you find unwarranted comments on PFC. Thank you.
-
Advertisement
- Bollywood in the 90
- ISC 2008 - Indian Screenwriters' Conference
- Scarface - 25
- Luck By Chance - Tr
- The Secret Grain, The Page Turner and Notes from director Abdellatif Kec
- Vaaranam Aayiram : A Thousand Things More…
- Tangoed for So ‘less’!
- The Secret Grain, The Page Turner and Notes from director Abdellatif Kechiche
- Scarface - 25 Years
- Has the Indian script arrived? The Indian Screenwriters’ Conference 2008
-
Advertisement
Hottest Today:
Advertisement
Recent Posts:
nonsense tilogy of anees bazmi.very appropriate for his kind of films.
kudos to anees bazmee…fcuk classes embrace masses …. cinema is meant for that…
@ ajay, Singh Is Kinng lagta hai ek taraf sardar character kay stereotype ko highlight karta hai ki Sardar nek dil hotay hain, dariya dil hotay hain, khushdil hotay hain..doosri taraf ye uss pehloo ko underline karta hai jisko lekar sardar bhadak uthte hain–wo ye ki sardar kuchh bhi kar sakte hain, unke saath har cheez mumkin hai,foohad cheezein bhi–kyun– kyunki wo sardar hain..
kya ajai bhai,main bade josh mein tha ise dekhne ko,aapne to hausala hi past kar diya.by the way,thanx,mere Rs.150 bach gaye.
Ajay, mujhe is baat se koi pareshani nahin ki film mein kuchh drishya avastavik hain. Filmon mein, chahe woh non-mainstream ya commercial filmein hon, is tarah ka creative licence aam hai aur laazim hai.
Lekin mujhe is baat se takleef hai ki film “time paas” hai yeh sochkar usko banane mein ek tarah ki kaam chalau manovritti jhalakti hai. Film chahe logon ko paisa vasool manoranjan dene ke liye bani ho, lekin phir bhi usmein behtar editing, behtar taknik, behtar acting ho sakti hai.
Yeh soch nahin honi chahiye ki chunki darshakon ka dhyan bade star ya gaanon par hai isliye hum un ganon ke ird-gird kisi bhi tarah ki bedhangi film khadi kar sakte hain aur log phir bhi dekhne aayenge.
//aees bazmi ki ‘nonsense trilogy’ poori hoti hai//
You are being very optimistic Ajay Saheb. With the way his movies are succeeding, Singh is King is definitely not the last of his nonsensical movies.
I hope ke Singh is Kinng ke sath Anees Bazmee ki ‘nonsense trilogy’ sahi mein puri ho jaaye..
sudhir,
Singh is King is definitely not the last of his nonsensical movies.
if you are saying so,then i will prepare myself to watch those movies.no problem.come with more and more nonsensical movies.welcome…
mai bas itna hi kahoonga ki kuch logon ki aadat hoti hai har cheez me kami nikaalna aur unme se hai yeh jisne yeh review likha hai
kabhi kabhi kisi ko koi safal hota hua accha nahi lagta
agar yeh movie blockbuster hai toh tum log yeh kehna chahtey ho ki jo log dekhne gaye unme dimaag nah saara dimmag toh tumharey paas hai
SO DUDE don’t waste time in just censuring AKSHAY KUMAR.
HE IS TALL in each and every aspect.
BY the way mai bhi jaanana chaaunga ki aap aisi kaunsi movie jaantey hai jisme sabkuch sensible hota hai
1. GADAR
2. LAGAAN
3. Mohabaatein
4. Om Shanti Om
5. Dhoom
yaa fir angrezi
1. Terminator
2. Matrix
3. Pirates of the Caraabean Sea
4. Wanted
5. The dark Knights
Dude safal woh hai jo junta ki nabz ko pakde naa ki woh jo bina sir pair ki baat karey unke liye jo aap hum se har maayne kahi kadam aagey hai.
SO ENJOY SINGH IS KINNG.
hmm
comedy!
fuck the classes
be with the masses- (the comment is from some one named- indian_cinema..)
cinema is about the people.
about the audiences.
you tell - which film you like…
and one will know- what type of person you are…
classical music is for the few people
pop is for the masses…
people who love classical-
do not bother- what mass is enjoying…
one day few persons from the mass also change the group
good review ajay!
:-)..ravi shekhar when has the scientific breakthru happened knowing what type of person he/she is after going thru what kind of film he/she likes…neways…ravi sure a breakthrough in psychological sciences….neways I like Sholay,padosan,golmaal(old),ram teri ganga maili,lage raho munnabhai…many more
mujhe to pehle hi maloom tha..aisa hi kuchh hone waala hai..maine suna ye thursday ko hi release ki hai ..kafi badhiya releasing hui..kaash kuchh acchi filmon ko bhi aisi hi release mil jaati…sateek review Ajay ji
sir…
ye paisa bolta hai,
first week main he film ka sara paisa wasul ho jata hai…
flop hone ke baad bhi ….i am sure they will mint lot of money, i am sure film will be on TV within next 3 month.
Anees is a big time hollywood copy cat, how you can forget PYAR TO HONA HE THA….
…kuch jyada ho gaya sahyad..
byeee
Maine to pure 2oo rupaey ki dhaniya bo di..:(… upar se 1.5 ghante tak hum teen dost jaam me fanse rahe uske baad bhi teeno alag alag row me baith ke film dekh rahe the….aur film kya dekh rahe the apna matha noch rahe the…..the only saving garce was Javed Jaferry and his superb dance…..But friends this film is going to be one of the biggest blockbuster of the year……aur ho bhi kyun na mere jaison, aap jaison aur Taran aadarsh jaison ka behtareen contribution jo hai……