zindagi ki kahaniyon ki alag bat hoti hai – anurag kashyap
The language of the post is Non-English.. only the script is in english. sorry for them,who cant read and understand it. For reading in hindi log on to…http://chavannichap.blogspot.com
bahut samanya aur sadharan shabdon mein yahan anurag ne imtiaz ki khasiton ka zikra kiya hai.aap sabhi sudhi darshak aur film adhyeta hain.aap ki rai aur tippaniyon ka swagat hai.
imtiaz bahut shant aadami hai. usko maine kabhi ghabarate huye nahin dekha hai. kabhi pareshan hote huye nahin dekha hai. usmen utsukata bahut hai. agar aap batayen ki kal duniya khatm hone vali hai to poochhega ki kaisi baat kar rahe ho? achchha kaise khatm hogi? chhodo, batao ki sham ko kya kar rahe ho? woh is tarah ka aadami hai. bade pyar se logon ko handle karata hai. bahut sari khoobiyan hain usmein. uske sath jo ek bar kaam kar le ya use jan le to woh kabhi door nahin jana chahega.
uske chehare par ajeeb si muskarahat rahati hai. humlog usko shuru se bolate the tu andar se kahin n kahin bahut bada shaitan hai. woh muskura kara… chhupa kar rakhata hai. uske andar kuchh bahut hi khas baat hai. sensitive bahut hai. bahut hi romantic adami hai. bahut sthir hai. dependable hai. mujhe maloom hai kal koi ho na ho magar imtiaz ali hai. kafi cheejon ke liye main us par nirbhar kar sakata hoon. salah ke liye khas kar… har script padhata hoon. har film dikhata hoon. woh mujhase bolata hai ki tu sabase ladayi-jhagada band kar ke bas kaam karo. vahi ek aadami hai, jisase main salah leta hoon.
mujhe usaki film bahut achchhi lagati hai. hindi filmon ki premakahaniyan mujhe achchhi nahin lagtin. hum naqali prem kahaniyan banate hain. pata nahin kyon main ajeeb tarike se chidhata hoon aur door bhagata hoon. imtiaz ki filmen kahin n kahin bahut svabhavik, bahut hi real hoti hai. usmein gane bahut svabhavik tarike se aate hain. kahin n kahin aap usmein apne aap ko pate ho. uska characterr bhale hi businessman hai. ‘jab we met’ larger than life nahin hai. film ka hero bahut bada businessman hai, lekin human hai. vah aadami hai. vah larger than life nahin hai. helicopter men nahin ghoomata hai. vah ek normall insan hai. uski love story bahut hi alag rahati hai. kuchh log hain jo is tarah ke romantic filmen banate hain, jo bahut real svabhavik aur vastavik duniya mein aadharit hoti hain. kuchh french filmamaker hain jo sadharan si prem kahaniyan banate hain. vah jis tarah ke sensitive movement create karata hai,us se filmein aasapas ki lagati hain. usake character kahin n kahin confuse aur kamajor log hote hain. usake character pahale apane aapako khote hain,phir pate hain. yah uski khas bat hai, jo mujhe bahut achchhi lagati hai.
hamari dosti bahut purani hai. mujhe khud nahi maloom tha ki main filmamaker banoonga. humlog college men the. usaka pahala lakshya yah tha ki main 21 ka hote hi pahale shadi kar loonga. 21 ka hote hi usne shadi kar li. kam mila nahin aur shadi kar li. hum men se vah pahala aadami tha, jisne pahale shadi ki. vah sabase jyada travell karata hai aur travel karate samay likhata hai. sari filmen vah travel karate huye likhata hai. vah yatra aur journey uski filmon men aa jati hai. vah sahi mayane men jita hai. ’socha na tha’ ki maine script padhi thi. script padh kar mujhe nahin laga tha ki vah film itani achchhi banegi. vah meri favourite film hai aur ‘jab we met’ mein bhi vahi huaa. usaka nazariya aisa hai ki aap script ko padh kar andaz nahin laga sakte ki vah kya karane vala hai. on screen kya hone vala hai aur kaise unfold hogi film… iska andaza script padh kar nahin laga sakate. vah salon-sal baitha rahata hai, likhata rahata hai. usaki kahaniyan chalati rahati hai. maine usaki sari kahaniyan padhi hain aur screen par dekh kar surprise hua hoon. khas kar ‘love aaj kal’ maine dekhi hai. saat-aath minute tak aap film dekhate hain to samajhane ki koshish karate hain. aathaven minute ke bad aap hilenge nahin. khas baat hai. kahin n kahin pakad leti hai film.
imtiaz ki jo kahaniyan hai, usane unhen jiya hain. mera jo cinamatic approch hai, usmein bahut sare prabhav dikh sakate hain. kyonki main bahut sari cheejon se exposed hoon. lekin imtiyaz zindagi se kahaniyan dhoondh kar la raha hai. zindagi ki kahaniyon ki alag bat hoti hai.
Tags: ajay brahmatmaj, Anurag Kashyap, Imtiaz Ali, Movies
Anurag Kashyap
Abhay Deol
Dibakar Banerjee
Hansal Mehta
Khalid Mohamed
Kundan Shah
Anish Kuruvilla
Jaideep Verma
Manish Gupta
Navdeep Singh
Bhavani Iyer
D. Santosh
Onir
Ashvin Kumar
Ramu Ramanathan
Sudhir Mishra
Pankaj Advani
Revathy
Saurabh Shukla
Shilpa Shukla
Sujoy Ghosh
Suparn Verma
Santosh Sivan
Shashank Ghosh
Shivajee
Pavan Kaul
Partho Sen-Gupta
Prroshant Naryannan
Sam Langoria
Satish Kasetty
Why o Why in Hindi? Just coz it wuz written by you, we read the whole stuff and didnt realize why was it written in Hindi?
Ajayji yeh padne ke baad man ko khaafi tandak pahunchi.Aajkal aise bahut kam log hain jo apne aap ko chhod kar ek doosre vyakti ke baare mein itna baat karte hain.is baat ke liye main anuragji se bahut hi prabavith hua hoon.hum yeh jaan sakte hain ki filmon ki is maya nagri mein bhi asli log hote hain.
Imtiazji ke donon filmein- socha na tha aur jab we met mujhe behad pasand hai.kahin na kahin main donon hi filmon ke kirdaron se sehmat ho jaata hoon.Ab to love aajkal dekhne ke liye bhi main kaafi utsuk hoon.
@ Sethumadhvan aapne sahi kaha ke Ajay ji ka lekh padh kar mann ko sukun pahuncha ke aaj ki es gala kat sapardha mein bhi aise log hain jo dusro ke kaam ki taarif karte hai… mujhe yaad hai Imtiaz ne bhi Anurag ki Gulal ki kaafi taarif ki thi… Ek baat to sahi hai ke Imtiaz ki muskurahat ko dekh ker andaza lagta hai ke ander hi ander ek pyara sa shaitan chipa hua hai… unki pichli dono hi filmen vastavikta ke kaafi nikat thi or mujhe bahut pasand aayi thi…or ab intezar hai love aaj kal ka…halanki mujhe iska sangeet jub we met se thoda halka laga..lekin phir bhi mujhe love aaj kal ka besabri se intezar hai..
Ajay ji, Chavanni Chap kaafi jabardust hain! Mujhe yaad hain kuch samaya pehle main Anurag ki interview padhkar bahot prerit huwa thha… woh interview bhi sayad aaphine liya thha.. Yeh lekh padhkar bahot khushi huwi.. Meri bhi koshish yehi rahi hain ki achchha kaam karu, achchha inshan banoo.. Love Aaj Kal ki badi besarbri se intezaar hain.. Iss lekh ke liye ek bar phir se sukriya…
thanks.aap sabhi ne ise pasand kiya.umeed karta hoon ki aur bhi aisi batein la sakoon.
Ek aur accha post ajayji. I think the guy (Imtiaz) who can write such casual and simple dialogues, must be somewhere very real. I think he writes characters with heart, I’m already eager to see Love aaj kal. Thanks for the post.
kya jodi hain Anurag or Imtiaz ki….in dono ke jodi par hi ek behtareen pictur banaya ja sakta hain…thank u ajayji is interview ke liye..Imtiaz Ali ko dekh kar hi upar likhit baatein bilkul sach hain yeh samajh main aata hain…aur Love Aaj Kal ko bahut achi tarah se promote bhi kiya ja raha hain…sirf maine woh doosri actress ka koi promotion nahin dekha hain…yahi baat mujhe uske prati aur dilchaspi badhati hain…
main to love aaj-kal first day first show dekhoonga…and it won’t be difficult to drag friends along to this one for sure…